ما هو احساسك عندما ترى امك تبكي ؟؟؟

[صليبختاوي]

السلام عليكم,,


ماهو أحساسك عندما ترى أمك تبكي ؟؟؟؟؟
ماذا تفعل عندما ترى دموعها تتدحرج على خديها ؟؟؟؟؟
كل انسان تطغي عليه الظروف احيانا ...

والانسان ليس خالي من المشاعر
بل يوجد في قلبه الكثيييييييييييير من الاحاسيس ..
اخواني ..اخواتي..أتذكرون عندما كانت تسقط دموعكم
وتأخذكم والدتكم في الاحضان منذ الصغر..
أتذكرون عندما كنا صغار كيف نجري لحضنها
الذي لم نجد حضن أحن من حضنها
أتذكرون عندما كنا لا نشعر بالأمان إلا ونحن بجانبها
... ولكن هل رأيتها تبكي...؟؟؟؟؟



ما شعورك لما ترى والدتك التي تعبت عليك من الصغر للكبر تبكي
وأمامك ؟؟؟؟
هل تخفف من الامها ويمكن أنت تكون مصدر أحزانها؟؟؟
أم تبتعد وأنت تبكي بحرقه عما يدور داخل قلبك؟؟؟
أم تقف امامها خاضعا حائرا لهذا الامر؟؟؟


وانشاء الله يعجبكم تقديمي

[دلوعة^_*قلبه]

صراحه مااقدر

على شوفت دموع ماماتي

اتضايق والله : /

بس ان شاءالله ماي اليوم الي في تنزل دموع ماماتي او اشوفها ^^

[bnt el-do7a ^_^]

يسلموووو على الموضوع واذا عن التقديم خطير

والله بصراحه ما اتمنى اني اشوف امي تبجي و واذا صارت الله يعين اللي بجاها

[M!$.shoosha]

والله اموووت مليووون مرااا

ولا احب اشووف دموووعهااا بس الشكووى لله مادري شسوي؟؟

ببس اكييد اني احس بحيييره وودي تسكت وابجي انا عنهااا

ياااارب ماا اشوووف دمووووعهااا

يسلمووو اخوووي

[بوعليا]

بماانى رجل فأنى اتضايق واحزن لكن اعمل المستحيل انه مايبين على واسوى نفسى عادى على شان مااكدرها اكثر

[فروحة]

لااااااااااااااااااااااااااا

ما اقدر الا الوااااالدة

[الصقرى]

مشكور على الموضوع

[قإآيد الـ ح ـلوين]

واااااااااااااي والله ما اقدر ع الوالده

[قطعه 2]

صعب التعبير :(

[العدن]

انا معكم الله لا يجيب اليوم الي اشوف الوالدة تبجي بس لا تنسوا ان بعض الاباء والامهات سبب في عقوق ابنائهم

[العلي الشمري]

دموع الام عزيزه ومافي رجل او امرأه يقدر يتحمل دموعها

طبعا يعتمد على سبب البكاء ...

دخلت على امي الله يطول بعمرها مره من المرات ... لقيتها تبكي وتمسح دموعها

قلت يمه شالسالفه عسى ماشر ؟؟؟ بيعيني بالسوق

قالت يايمه الصبي قلب بالسياره ومات وهو وحيد امه وابوه ... قلت منو ؟؟؟ من ولده ؟؟؟ قالت هذا اللي بالتلفزيون :d

قلت يايمه انا طاحت ركبي وقلبي بغى يوقف وانتي طلعتي تبكين على واحد مات بالمسلسل

[بقى عطرك ..!]

اموت ولا اشوف دمعات الغاليــــــــــــــــه ,,,

ربي يخليهااااااااااااااااااااااااا لي ,,,,

[هزار]

لالا مااقدر لازم اعرف شنو السبب
ماكو شي يخليها تحتر وتبجي ويزعلها وحنا موجودين ... ولو احد فينا سوها مجرد زعل بس ينزف نسويها بيزه ما تسوى
اذا ابوي مره من القهر بجت ما خليناه تهاوشنا معاه :@
نعم يخليها تبجي منو هو حتى لو ابونا هذي ام

[micro.biology]

انا ماقدر اشوف اي شخص جدامي يبجي .. راح ابجي معاه
هالنوب الوالده .. حلوه اللبن .. ابجي اكثر منها ولمن تهدا .. تقولي انتي شفيج بجيتي اكثر مني وتضحك علي

[أم فيصل]

انا اقعد ابجي معاها هههههه

[~ مـرايـــا ~]

انا شخصيا جربته وشفت ادموعها .. والله اتقطعت مليون قطعه
وكنت اقول لها اللى تبينه يصير وحاضر وتامرين
واقولها يما قومى حطى كل حرتج فينى كفخينى ذبحينى بس ما ابى اشوف ادموعج تنزل

والله صرت مينونه صج ما ادرى شسوى حتى بالليل مايانى نوم ولا لى نفس اكل شي
بس الحمدالله عدت السالفه على خير

وان شاء الله ما اي اليوم اللى اشوف فيه ادموع امى حبيبتى الله يطول بعمرها ويخليها لى
ويخلى كل امهاتكم ويرحم كل اللى ماتو منهم

:)