الكامل الله والخطا طبع { الانسان }

[الوردة]

من طبعي ارد الإساءه { بالاحسان }
وأساير ظروف الزمان اللعينه ..


وأطوف الغلطه من { فلان .. وفلان }
يعني من أجل { عين } تكرم مدينه ..


الكامل الله والخطا طبع { الانسان }
والدرب يفرق عن يساره ويمينه ..


و { الصاحب } ا للي له معزه وله شان
ان جاني بشينه .. تذكرت زينه ..


اتحمل اخطاءه معي { قدر الأمكان }
من جانبي تبقى العلاقه متينه ..


واللي { يغلطني } وانا ماني بغلطان
اصابعي احطها { وسط عينه } ..


مادامني مسلم وفي قلبي إيمان
عمر{ البحر } ماشال هم السفينه ..


مرت علي { انواع .. واشكال .. وألوان }
بين { العقول } الناقصه .. والرزينه


عندي قناعه ان { الإنسان شيطان }
اذا يهينك { لازم } انك تهينه ..


يعني اذا حاجتك { بيدين عدوان }
يكفيك شر المهزله .. والغبينه ..


من{ كثر ماجاني } من الناس خذلان
تحرجني حتى كلمة { الله يعينه }


صحيح لي { ربع .. وجماعه .. وخلان }
وأضيق لكن حاجة الناس.. شينه


الشخص دام انه بكل شي{ خسران }
تأكد انهآ من عمايل { يدينه } ..


من مرحلة { حب .. ومشاعر .. وحرمان }
إن مالعنت الحب تلعنه سنينه ..


اكتب شعر واعزف من { اشواقي الحآن }
واسلي قلوب الغرام الحزينه ..


ولو الشعر مخلوق في { هيئة انسان }
والله لأقول له تسلم { واقبل جبينه/ }

[msr.01]

الورده تسلمييين على هالدرر الجميله ولا أروع
ملاحظه
ياليت تكتبين اسم شاعرها اذا تعرفينه
وتقبلي تحياتي

[قإآيد الـ ح ـلوين]

ما شاء الله عليج


يسلموؤو ع الموضوع

[دبور]

يسلمووو الوردة

[البلورة]

يسلموووو وردتنا يسلموووو

[ابو تركي]

يا الهي شنو هذا الشعر العجيب والله العظيم ان صعب جدا

صح السانج وسلمووو على الكلمات الطيبه

تقبلي مروري

[بقى عطرك ..!]

جميل الشاعر عطالله فرحان كلماته جزله ...

الوردة انتي لنا عطر في المنتدا الى الامام ...

[بسام الشمري]

صح السانج ماشالله عليج روعه وابداع تقبلي مروري ولج كل الاحترام والتقدير