شفتها يا (( نـــواف )) صدفة بعد ما غابت سنين ....

[بقى عطرك ..!]

قصيدة مبكية تحكي قوة المفارق

وان الايام تمر والسنين تمر والحب باقي في القلب ...............

http://www.3zotie.com/uploads/uploads/50e1b2fbce.jpg (http://www.3zotie.com/uploads/)

شفتها يانـــواف صدفة بعد ما غابت سنين
عند قسم المختبـر وسط مشفى الجامعة
جيتها ثم قلت ممكن في سؤالي تسمحين
ناظــرت فينـي بدهــشة نظره متواضعة
قــــالت انته تـحسبني مــن بنات صايعين
تـحسبني في زماني عن طريقي ضايعه
قلت أنا ما راح أطول كـل أبوها كلمتين
وأبعــــدت عني شويه ثم جتنـي راجعـه
قـالت أسال واضح انك من رجال طيبيـن
بس هرجك يالسنـافي كان وشهوة دافعـه
قلـــت أنا حبيت وحده يوم كنا صغيـرين
ومن ثمان أسنيـن راحت للمواصــل قاطعـه
عقبهـا مــا ذقت نـوم يهتني به النايمين
ســاهر في طول ليلي لين شـمسي طالعـه
اذكر انه فيه حبه فـوق ثغـره مـن يميـن
واذكـر انه لا جــرينا كـــــان شعـره تابعـه
واذكر انـه عـــاشـق فالــورد الياسميـن
صـــــار قلبي بالورود اللي عشقهـا زارعـه
طابعا اسمه بقلبي فيه سين وفيه عــين
وفيه ألـــف وفيه دال وســط قلبـي طابعـه
قاطعتنـي بقولها سبحـان رب العالميـن
كـــررتـها مــــــره ومــــــــــرتيـن ورابعـه
قلـت وشفــيك وشبـلاك يابنيه ترجفـيـن
ليش عينك يابنيه مـــــن كـــــلامـي دامعة
قــالت الموقف وقلبي والمـحبة والحنين
كــيف أشـوفك بعد مــــا كنت عنك قانعة
قلت أنا بسالك أن كأنك أنتي تذكرين
عــن مواثيـق ثـمنها مــــن حــياتـي دافعـه
قالت ظروف الزمان ما تطيع العاشقيـن
بيعونـي غـصب حـــبك لو هو ماني بايعـه
أنا في دنياي حالي كنها حال السجين
حتى لــــو فكـــوا سراحه فيه شي مانعـه
زوجوني غصب واحد وحرموني حاجتين
السعــــادة فـي زمانـي والحيـــاة الرائعة
والحين أنا أم لثلاثة عندي ريم وياسمين

والولد ا سمه على اسمك والمشاعـر جايعـه

[نواف الزارع]

أهل الكرم والعلـم والحلـم والبـاس
قالت شمالـي قصدهـا بـي تهـزة

ماتدري اني بفتخر وارفـع الـراس
الـحـمـدلله روســنــا دوم رزة

اللي خلقنا بس نحنـي لـه الـراس
صافي نسبنا والحسـب فيـة عـزة

أصل أصيل وفصل والعـرق دسـاس
أهل الوفاء والديـن صافـي منـزه

عن كل ماشاب العقيـده مـن أدلاس
حنا العقيلات انشـدي رجـال غـزه

حنـا هـل الدنيـا وللديـن حـراس
حنا سنايـد نجـد فـي كـل حـزه

لا خانت حلوق الرجاجيـل الأنفـاس
حنـا اجبـال يعجـز الريـح هـزه

حنا لنجد حـزام وعصابـة الـراس
نـارد حيـاض المرجـلات ونلـزه

مانمشي دروب الرذيلـه والأدنـاس
مـن يغلـط لسانـه علينـا نجـزه

واللي يحقر قدر الرجاجيـل ينـداس
منـا العـدو تكفيـه بالعيـن خـزه

يقضي عليه الخوف مع كل هوجـاس
من ذكرنـا فـي قلبـه تثـور نـزه

من طاري الويلان يبـلاه وسـواس
نومـه كوابيـس وروعـه وفــزه

دقت نواقيس الخطر لـه والأجـراس
وان هو لقي له مـن علينـا يـوزه

هون له الصعبات وابليـس خنـاس
مايـدري انـه للمهـالـك يــدزه

عجل علي مبناه يمحي من السـاس
يابنـت حنـا مـن نخانـا نـعـزه

يأمن بنا الملهوف وتهابنـا النـاس
مرسولنـا للخيـر دايــم نـكـزه

ولصرخة المحتاج نرخـي الأكيـاس
تاريخنـا مـجـد لبسـنـاه بــزه

نمشي بوسط السوق ماندحم السـاس
لك ماتركنـا بكـاس الأمجـاد مـزه


منهو يساوي جوهر الماس بنحـاس
لاتحسبيـن انـك لـنـا مستـفـزه

[بقى عطرك ..!]

كلمات رائعه وجزله تحمل بين طياتها الكثير ~

اتمنى لك التوفيق استاذي ... وشاكرة مرورك العطر ~

[الوردة]

يسلموووووو ..

[بقى عطرك ..!]

هلااااااااااا بك وردتي ~